પુણેના અમર મુલચંદાની સહિત અન્યોની 122 કરોડની સંપત્તિ જપ્ત

બેન્ક લોન ફ્રોડ તથા પીએમએલએ કેસમાં ઈડીની કાર્યવાહી

અમર મુલચંદાણીએ થાપણોની આડેધ લ્હાણી કરી, રોઝરીએજ્યૂકેશન જૂથના પ્રમોટરો સહિતના આરોપીઓ સામે કાર્યવાહી

મુંબઈ :  મની લોન્ડરિંગના ભાગરૃપે પુણે સ્થિત  સેવા વિકાસ સહકારી બેંકના ભૂતપૂર્વ  ચેરમેન અને ઉદ્યોગપતિ એક શિક્ષણ જૂથના પ્રમોટર સહિત વિવિધ  આરોપીઓની  ૧૨૨ કરોડની સંપત્તિ ઈડીએ જપ્ત કરી હતી. આ સંદર્ભે ઈડીએ આજે  જણાવ્યું હતું કે કથિત બેંક લોન ફ્રોડ સાથે જોડાયેલ તપાસ અને પ્રિવેન્શન ઓફ મની લોન્ડરિંગ એક્ટ (પીએમએલએ)ની  ફોજદારી કલમો હેઠળ મહારાષ્ટ્રના પુણેમાં સ્થિત ૧૨૧.૮૧ કરોડની કિંમતની ૪૭ સ્થાવર મિલકતો અને ૫૪.૨૫ લાખ (દેવી ક્રોક્રીટ પ્રોડકટસની) જંગમ મિલકતો જપ્ત કરવાનો કામચલાઉ આદેશ જારી કરવામાં આવ્યો છે. આ મિલકતો સેવા વિકાસ સહકારી બેંકના ભૂતપૂર્વ ચેરમેન અમર મુલચંદાની તથા પુણે સ્થિત રોઝરી એજ્યુકેશન જૂથના  પ્રમાટર વિવેક અરાન્હા, સાગર સૂર્યવંશી, ખેમચંદ ભોજવાની અને તેમના પરિવારના સભ્યો  સાથે જોડાયેલી છે.

આ કેસ રોઝરી એજ્યુકેશન  ગુ્રપ, તેના  પ્રમોટર્સ અને અન્ય લોકો સામે કથિત લોન છતેરપિંડી સંદર્ભે પુણે પોલીસની એફઆઈઆરથી  ઉદ્ભવ્યો  છે, એમ ઈડીએ એક નિવેદનમાં  જણાવ્યું હતું.  સંયુક્ત રજિસ્ટ્રાર  (ઓડિટ)એ  સમગ્ર સેવા  વિકાસ કો-એપ બેંકનું ઓડિટ કર્યું હતું અને ૧૨૪ નોન ુ પર્ફોર્મંગ એસેટસ (એનપીએ) લોન ખાતાઓમાં  ૪૨૯.૬ કરોડ રૃપિયાની  છેતરપિંડી અને દુરૃપયોગની તપાસ કરી હતી. આ ઓડિટ રિપોર્ટના આધારે, લોનના લાભાર્થીઓ અને બેંકના ભૂતપૂર્વ અધ્યક્ષ અમર મુલચંદાની સહિત બેંક મેનેજમેન્ટ સામે વધારાની  એફઆઈઆર નોંધવામાં  આવી હતી. ત્યારબાદ  આરબીઆઈએ બેન્કનું લાયસન્સ પણ રદ્દ કર્યું હતું. ઇડીએ  આ સમગ્ર  બેન્ક ફ્રોડની તપાસ કરી રહી છે  જેમાં બેંકના મેનેજમેન્ટ દ્વારા મંજૂર કરા.ેલ ગેરકાયદે લોનને લીધે  હજારો નિર્દોષ થાપણદારોની નાની થાપણો છીનવાઈ ગઈ હોવાનો આરોપ  કરવામાં આવ્યો છે.

ઈડીએ એવો આરોપ મૂક્યો હતો કે  અમર મુલચંદાનીએ બેંકમાં જાહેર થાપણોને  તેની વ્યક્તિગત જાગીર જેવી  ગણાવી હતી અને લોન લેનારની  ધિરાણ પાત્રતાની ચકાસણી કર્યા વગર અને પર્યાપ્ત  કોલેટરલ સિક્યોરિટીઝ વિના, મનસ્વી રીતે લોન મંજૂર કરી હતી અને આ રીતે  બેકિંગ ધોરણોનો ભંગ કર્યો હતો. ઈડીે એવો પણ આરોપ કર્યો હતો કે મુલચંદાનીએ મંજૂર લોનની રકમના ૨૦ ટકા કમિશનના દર લાંચ લીધી હતી.

ઈડીએ એવો આરોપ કર્યો હતો કે  મુલચંદાનીએ તેમની ઈચ્છા મુજબ લોન મંજૂર કરવા માટે બોર્ડ ઓફ ડિરેકટર્સમાં બહુમતી મેળવવાના સ્પષ્ટ ઈરાદા સાથે પરિવારના સભ્યોને બેંકમાં ડિરેકટર બનાવ્યા હતા. આ પરાંત  પૈસાની   ઉચાપત કરવા માટે વિવિધ બેનામી લોન પણ મંજૂર કરી તી. મુખ્ય લોન ડિફોલ્ટર વિનય અરાન્હા (વિવેક અરાન્હાના પરિવારના સભ્ય) સાગર સૂર્યવંશી અને ખેમચંદ ભોજવાણી વગેરેએ અમર મુલચંદાની સાથે હાથ  મિલાવ્યા હતા. તેઓએ  તેમના લોન એકાઉન્ટસમાં  પરસ્પર ગેરેન્ટર તરીકે કામ કર્યું હતું.  આ બધા લોન એકાઉન્ટ  એનપીએમાં  ફેરવાઈ ગયા હતા.

ઈડીએ એવો પણ આરોપ કર્યો હતો કે પહેલા દિવસથી લોનને ડિફોલ્ટ કરવાના 'ગેરકાયદેસર' અને સ્પષ્ટ ઉદ્દેશથી લોન મંજૂર કરવામાં  આવી હતી. આ ઉપરાંત  જૂની લોનની ચૂકવણી કરવા માટે નવી લોન મંજૂર કરવામાં આવી  હતી. ઈડીએ અમર મુલચંદાની અને અન્ય  લોકો દ્વારા કરાયેલા ઘણા બેનામી રોકાણો શોધી કાઢ્યા છે.