વડોદરાના પાદરામાં મોબાઈલના ઝઘડામાં યુવાનની હત્યા

image : Freepik

- એક મહિલા સહિત પાંચ શખ્શો લાકડીથી તૂટી પડ્યા: એક યુવાનને ગંભીર ઈજા

વડોદરા,તા.18 માર્ચ 2024,સોમવાર

પાદરા તાલુકાના ડભાસા ગામમાં રહેતા વિકેશ ઉર્ફે વિકાસ સનાભાઇ પાટણવાડીયા નામના 28 વર્ષના યુવાનનો મોબાઇલ સુરેશ તડવી નામના શખ્સે બળજબરીથી કાઢી લીધો હતો. જે અંગે વિકેશ ઉર્ફે વિકાસ તેનો ભાઈ કિરીટ તેમજ અન્ય વ્યક્તિઓ સોખડા કેનાલ પાસે સુરેશ તડવીને સમજાવવા જતા સુરેશ તેમજ વિશાલ અને એક મહિલા સહિત કુલ પાંચ શખ્સો બંને ભાઈઓ ઉપર લાકડીથી તૂટી પડ્યા હતા. વિકેશ ઉર્ફે વિકાસને માથામાં ગંભીર ઈજા થતાં તેનું ઘટનાસ્થળે મોત નીપજ્યું હતું. જ્યારે કિરીટને માથામાં લાકડી વાગતા ઈજા થઈ હતી. આ બનાવ અંગે પાદરા પોલીસે ગુનો નોંધી કાયદેસરની કાર્યવાહી હાથ ધરી છે.