વડોદરા પાસે મહીસાગર બ્રિજ પર બાઇક પાર્ક કરી યુવકે પડતું મૂક્યું

વડોદરાઃ મહીસાગર  બ્રિજ પરથી એક યુવકે પડતું મૂકતાં તેની શોધખોળ માટે પોલીસે વડોદરા ફાયર બ્રિગેડની મદદ લીધી હતી.

મહીસાગર  બ્રિજ પરથી આજે સાંજે એક યુવકે બાઇક પાર્ક કર્યા બાદ છલાંગ લગાવતાં કોઇ વ્યક્તિએ પોલીસને જાણ કરી હતી.જેથી પોલીસે ફાયર બ્રિગેડની મદદ લીધી હતી.

પ્રાથમિક તબક્કે ૨૨ વર્ષીય યુવક ભેટાસી નજીકના ગામનો હોવાનું જાણવા મળ્યું છે.તેણે ક્યા કારણસર પડતું મૂક્યું છે તે જાણવા મળ્યું નથી.પોલીસે બાઇક નંબરને આધારે તેના પરિવારનો સંપર્ક કર્યો હતો.છાણી ટીપી-૧૩ ફાયર બ્રિગેડના સબ ઓફિસર કિરણ બારીયાએ કહ્યું હતું કે,થોડી વાર શોધખોળ કરી હતી.પરંતુ યુવકનો  પત્તો લાગ્યો નથી.અંધારું થઇ જતાં કામગીરી બંધ રાખી હતી.