વડોદરા: તડીપાર કરાયેલા શખ્સને વારસીયા પોલીસે ઝડપી પાડ્યો

Image Source: Freepik

વડોદરા, તા. 17 નવેમ્બર 2023 શુક્રવાર

ઘરફોડ તથા વાહન ચોરીના ગુનામાં નાસતા ફરતા આરોપી રીઢા આરોપી ઝડપાતા તને વડોદરા શહેરમાંથી તડીપાર કરાયો હતો. તેમ છતાં આરોપી શહેરમાં આવી ગયો હોવાની બાતમીના આધારે વારસીયા પોલીસે ગોપાલ ડેરી પાસેથી ઝડપી પાડ્યો હતો. જે પોલીસ સ્ટેશનના ગુનામાં સંડોવાયેલો છે તે ત્યાં સોંપવાની તજવીજ હાથ ધરવામાં આવી છે. 

વડોદરા શહેરમાંથી તડીપાર કર્યા હોય તેવા કેટલાક આરોપીઓ છુપી રીતે આવી જતા હોય છે  અ્ને પોતાના ઘર કે ભાડાના ઘરમાં રહેતા હોય છે. જેથી તડીપનાર હુકમનો ઉલ્લંઘન કરનાર આવા આરોપીઓને શોધી કાઢવામાં માટે પોલીસ કમિશનર દ્વારા સૂચના અપાઇ હતી. જેના આધારે વારસીયા પોલીસ સ્ટેશનના સ્ટાફના માણસો વિસ્તારમાં પેટ્રોલિંગની કામગીરીમાં હતા. તે દરમિયાન સ્ટાફને બાતમી મળી હતી કે તડીપાર કરેલો શખ્સ અર્જુનસિંગ ઉર્ફે કથોડી દર્શનસિંગ દુધાણી (રહે.ભુંડવાડા વામી દવાખાના સામે વારસીયા)ગોપાલ બેકરી પાસે આવ્યો છે. જેના આધારે વારસીયા પોલીસે સ્થળ પર પહોચી અર્જુન દુધાણીને ઝડપી પાડ્યો હતો. ત્યારે ઘરફોડ તથા વાહન ચોરીના ગુનામાં સંડાવાયેલા આરોપીને જે તે પોલીસ સ્ટેશનમાં સોંપવાની તજવીજ હાથ ધરવામાં આવી છે.