પાદરાના ડબકામાં રાત્રે દરોડો : રિવોલ્વર અને કારતૂસ સાથે એક ઝબ્બે

- રિવોલ્વર કોની પાસેથી મેળવી અને શું ઉપયોગ કરવાનો હતો તે અંગે તપાસ

વડોદરા,તા.21 ડિસેમ્બર 2023,ગુરૂવાર 

પાદરા તાલુકાના ડબકા ગામે આવેલા લક્ષ્મીનારાયણ ફળિયામાં જિલ્લા એસઓજીએ રાત્રે દરોડો પાડી એક ઘરમાંથી દેશી રિવોલ્વર તેમજ છ કારતૂસ સાથે નિમેષ ચંદુભાઈ પરમારને ઝડપી પાડ્યો હતો. પોલીસે રિવોલ્વર કારતુસ, મોબાઈલ સહિત રૂપિયા 30,700 નો મુદ્દામાલ કબજે કરી વડુ પોલીસ સ્ટેશનમાં ગુનો નોંધાવ્યો હતો. નિમેષ પરમારે રિવોલ્વર પોતાની પાસે કેમ રાખી, કોની પાસેથી મેળવી તે અંગે પોલીસ દ્વારા વધુ તપાસ હાથ ધરવામાં આવી છે.