વડોદરામાં સુપર બેકરી પાસેથી ચોરીની મોટર સાયકલ સાથે એક શખ્સને પીસીબીની ટીમે ઝડપી પાડ્યો

image : Freepik

વડોદરા,તા.7 ઓક્ટોબર 2023,શનિવાર

વડોદરા શહેરમા ઘરફોડ તેમજ વાહન ચોરીના મિલ્કત સબંધી ગુનાઓ ડીટેકટ કરવા તેમજ મિલ્કત સબંધી ગુનાઓમા સંડોવાયેલ આરોપીઓને શોધી કાઢવા માટે ઉચ્ચ અધિકારીઓ દ્વારા સૂચના આપી હતી. જેથી પી.સી.બી.ઇન્ચાર્જ પીઆઇ એસ.ડી.રાતડાએ સ્ટાફના માણસોને મિલ્કત સબંધી ગુનાઓ ડીટેકટ કરવા અલગ અલગ ટીમો બનાવી કામગીરી કરવા અપાયેલા માર્ગદર્શન મુજબ શુક્રવારે પી.સી.બી.ના હે.કો. નરેન્દ્રસિંહ કેશરીસિંહ તથા પો.કો. સિધાર્થસિંહ રાજેન્દ્રસિંહને બાતમી હકીકત મળી હતી કે એક શખ્સ નંબર પ્લેટ વગરનું સ્કુટર લઇ સુપર બેકરી પાસેથી થઇ પસાર થવાનો છે. જેના આધારે પીસીબી ની ટીમે વોચ ગોઠવી મોપેડ સાથે સુનીલ સંપતભાઇ દેવીપુજક (રહે. પીળા વુડાના મકાન ખોડીયારનગર રોડ વડોદરા)ને

ઝડપી પા ડી સદર ઇસમની પુછપરછ કરી હતી.જેમાં દરમ્યાન મોપેડ ચોરીનું શંકાસ્પદ જણાય આવતા કાયદેસરની કાર્યવાહી કરી વધુ તપાસ અર્થે બાપોદ પોલીસ સ્ટેશન ખાતે સુપરત કરવામા આવ્યો છે.