U-19 કૂચ બિહાર ટ્રોફી, ઓડિશા સામે પ્રથમ દિવસે બરોડાના બે ખેલાડીઓની નોટ આઉટ સદી

વડોદરા : કૂચ બિહાર અંડર-૧૯ ક્રિકેટ ટૂર્નામેન્ટમાં આજે  બરોડા અને ઓડિશાની ટીમ વચ્ચે મેચનો પ્રારંભ થયો હતો. મેચના પ્રથમ દિવસે જ ટીમ બરોડાના બે ખેલાડીઓએ અણનમ રહીને સદી ફટકારી છે.અંડર-૧૯ ટીમમાં પ્રથમ દિવસે એક સાથે બે ખેલાડીઓ સદી ફટકારતા હોય તેવી ઓછી ઘટના બનતી હોય છે.

અંડર-૧૯ કૂચ બિહાર ટ્રોફી એલાઇટ ગુ્રપ-ઇમાં આજથી બરોડા અને ઓડિશા વચ્ચે મેચનો પ્રારંભ થયો છે. ચાર દિવસના આ મેચમાં આજે ટીમ બરોડાએ ટોસ જીતીને પ્રથમ બેટિંગ પસંદ કરી હતી. આજે સાંજ સુધીમાં મેચના પ્રથમ દિવસે બરોડા ટીમે ૬૭ ઓવરમાં ૩ વિકેટે કુલ ૨૩૯ રન ફટકાર્ય હતા. મહત્વની વાત એ છે કે આ સ્કોરમાં ૨૨૮ રન તો બે ખેલાડીના જ છે. નિત્ય પંડયાએ ૨૦૫ બોલમાં ૧૨૫ રન (નોટ આઉટ) અને ઉત્સવરાજ ચુડાસામાએ ૧૮૯ બોલમાં ૧૦૮ (નોટ આઉટ) રન કર્યા છે. જ્યારે પી.ઘેલાણી ૧૬ બોલામાં પાંચ, કુલદિપ ચૌહાણ ૩ બોલમાં ઝીરો અને અભિનવ મુલે ૧૪ બોલમાં ૩ રન બનાવીને આઉટ થયા હતા.