કપુરાઇ ગામની મહિલા પાસેથી દારૃ લઇને આવતા બે ઝડપાયા

 વડોદરા.કપુરાઇ ગામમાં રહેતી મહિલા  પાસેથી બિયરના ટીન લઇ રિક્ષામાં આવતા બે આરોપીને મકરપુરા પોલીસે ઝડપી પાડયા છે.

મકરપુરા પોલીસને માહિતી મળી હતી કે, દંતેશ્વર અમર શ્રદ્ધા ત્રણ રસ્તા તરફથી એક રિક્ષામાં દારૃ લઇને આરોપી આવવાનો છે. જેથી, પોલીસે વોચ ગોઠવીને રિક્ષા પકડી લીધી હતી. રિક્ષા ચાલકનું નામ વિજય રાવજીભાઇ રાઠોડ ( રહે. માંજલપુર, સીતાબાગની નજીક) તથા પાછળ બેસેલાનું નામ ભરત અર્જુનભાઇ રાઠોડ ( રહે. ચંદ્રપ્રભા નગર, વાડી) હોવાનું જાણવા મળ્યું હતું.  પોલીસને રિક્ષામાંથી બિયરના ૩૬ ટીન મળી આવ્યા હતા. પોલીસે બિયરના ટીન અને રિક્ષા મળીને કુલ રૃપિયા ૧.૨૨ લાખનો મુદ્દામાલ કબજે કર્યો છે. ભરત રાઠોડે પોલીસને જણાવ્યું હતું કે, દારૃનો જથ્થો કપુરાઇ ગામમાં રહેતી પ્રેમિલા ઉર્ફે પ્રેમી ભાભી પાસેથી લાવ્યો છું. જેથી, પોલીસે તેને વોન્ટેડ જાહેર કરી છે.

જ્યારે અન્ય એક બનાવમાં લક્ષ્મીપુરા પોલીસે ચંદુ બાબુભાઇ રાઠોડ ( રહે. નવી નગરી લક્ષ્મીપુરા ગામ) ને દારૃની બોટલો સાથે ઝડપી પાડયો હતો. દારૃની બોટલો તે વુડાના મકાનમાં રહેતા મુન્ના પાસેથી લાવ્યો હોવાનું જણાવતા પોલીસે મુન્નાને વોન્ટેડ જાહેર કર્યો છે.