વડોદરામાં ફાયર સેફ્ટીના મુદ્દે ઓટોમાેબાઇલ્સના બે શો રૃમ સીલ,6 ને નોટિસ

વડોદરાઃ વડોદરા ફાયર બ્રિગેડ દ્વારા ફાયર સેફ્ટી ના ચેકિંગ માટે ચાલી રહેલી ઝુંબેશ દરમિયાન આજે ઓટોમાબાઇલ્સના બે શો રૃમને સીલ કરવામાં આવ્યા છે.

ફાયર  બ્રિગેડના સૂત્રોએ કહ્યું છેકે, ડભોઇરોડ સોમાતળાવ ખાતેના એમ એમ વોરા શો રૃમ સહિત બે શો રૃમને સીલ કરવામાં આવ્યા છે.જ્યારે,બરોડા મેડિકલ કોલેજના ડીનની ઓફિસમાં ફાયર સેફ્ટીની પુરતી સુવિધા કરાવી લેવા નોટિસ આપવામાં આવી છે.

આ ઉપરાંત અલકાપુરીના જીજે સેન્ટ્રલ મોલ,પાદરાની ગોકુલ રેસિડેન્સી,પાદરાની બેન્કર નર્સિંગ હોમ,પાદરાની જ્યુપિટર હોસ્પિટલ અને અંકુલ વિદ્યાલયને પણ નોટિસ આપવામાં આવી છે.