વિદેશી દારૃના ગુનામાં નાસતા ફરતા બે આરોપીઓ ઝડપાયા
હરણીના બે તથા બાપોદના એક ગુનામાં આરોપીઓ વોન્ટેડ હતા
વડોદરા,વિદેશી દારૃના ગુનામાં નાસતા ફરતા બે આરોપીઓેને પોલીસે ઝડપી પાડી વધુ તપાસ હાથ ધરી છે.
પીસીબી પોલીસે ગત તા. ૦૮ - ૦૬ - ૨૦૨૨ ના રોજ હાલોલ ટોલનાકા પાસેથી ૯૫,૬૦૦ ના વિદેશી દારૃ સાથે અકસ્માત થયેલી હાલતમાં કાર પકડી હતી. જે અંગે હરણી પોલીસ સ્ટેશનમાં ગુનો દાખલ થયો હતો.
જ્યારે ગત તા. ૧૪ - ૧૨ - ૨૦૨૨ ના રોજ બાપોદ પોલીસે આજવા ચોકડી પાસે આવેલા અનંતા સમૃદ્ધિ ફ્લેટની નીચે પાર્કિંગમાં આઈજી સુપર માર્કેટની પાસેથી ૧.૦૫ લાખના દારૃ ભરેલી કાર ઝડપી પાડી હતી. આ બંને ગુનામાં સામેલ આરોપી શંકર છગનલાલ મંડલોઇ ( રહે. ભીલાલા ફળિયું, ગામ કાલીયાવાવ, અલીરાજપુર, એમ.પી.)ને બાપોદ પોલીસે ઝડપી પાડયો છે.
અન્ય એક બનાવમાં પીસીબી પોલીસે ગત તા. ૧૪ - ૦૬ - ૨૦૨૩ ના રોજ હરણી રોડ સુગમ પાર્ક પાછળ, ત્રિશા ડૂપ્લેક્સમાંથી વિદેશી દારૃ કિંમત રૃપિયા ૮૧,૨૦૦ નો જથ્થો કબજે કર્યો હતો. અને રાજુ ભૂપેન્દ્રભાઇ ગોસ્વામી ( રહે. રાજીવ નગર, ન્યૂ વી.આઇ.પી.રોડ)ને ઝડપી પાડયો હતો. આ ગુનામાં સામેલ આરોપી સંજય ઉર્ફે કાચબો બાલુભાઇ વસાવા ( રહે. સૌજન્ય ટાઉનશિપ, કમલાનગર પાસે, આજવારોડ)ને ઝડપી પાડયો છે.