વલસાડમાં દારૃ ભરેલી કાર પકડાવાના બનાવમાં વડોદરાના બે આરોપી ઝડપાયા

વડોદરાઃ વલસાડમાં બે મહિના પહેલાં પકડાયેલી દારૃ ભરેલી કારના બનાવમાં વડોદરાના બે આરોપીના નામ ખૂલતાં ક્રાઇમ બ્રાન્ચે તેમને ઝડપી પાડી વલસાડ પોલીસને જાણ કરી છે.

વલસાડની ડુંગરા પોલીસે તા.૩૦મી જુલાઇએ કાર પકડી હતી.જેમાંથી દારૃની બોટલો અને બે મોબાઇલ મળ્યા હતા.પોલીસે દારૃ મંગાવનારની પૂછપરછ કરતાં વડોદરાના બે શખ્સના નામો ખૂલ્યા હતા.જેથી વડોદરા પોલીસની મદદ લેવામાં આવી હતી.

વડોદરા ક્રાઇમ બ્રાન્ચે આ બનાવમાં મોર્ગેશ ધર્મેશભાઇ સોલંકી(કોતર તલાવડી, પારસ નગર,માંજલપુર) અને જતીન રમેશભાઇ વસાવા(તિવારીની ચાલી,દંતેશ્વર) ને ઝડપી પાડી વલસાડ પોલીસને સોંપવા તજવીજ કરી છે.