વડોદરામાં પ્રતાપ નગર પોલીસ હેડ ક્વાર્ટર સામે રસ્તો બેસી જતા ટ્રક ફસાઈ, ટ્રાફિક જામના દ્રશ્યો સર્જાયા

Vadodara News : વડોદરા પાલિકા તંત્ર માટે ઓરમાયા જેવા શહેરના પૂર્વ-દક્ષિણ વિસ્તારમાં પ્રતાપ નગર બ્રિજ પાસે પોલીસ હેડ ક્વાર્ટર આવેલું છે. તાજેતરમાં પડેલા ભારે વરસાદ અને આજે સવારે જોરદાર વરસાદી ઝાપટાના કારણે પોલીસ હેડ ક્વાર્ટર સામેનો કેટલોક રોડ-રસ્તો વાહનની અવરજવરના કારણે અને રસ્તા નીચેનું પુરાણ બેસી ગયું છે.

આ પોચા રોડ રસ્તા પરથી પસાર થતી એક ટ્રક જમીનમાં ત્રણ ફૂટ જેટલી નીચે રોડની અંદર ઉતરી ગઈ હતી. પરિણામે વિસ્તારમાં ટ્રાફિક જામના દ્રશ્યો સર્જાયા હતા. આ ટ્રક દબાયેલા રસ્તાની અંદર ઘૂસી જતા જેસીબીની મદદથી બહાર કાઢવામાં આવી હતી.