વાઘોડિયારોડ પર ટ્રકમાં આગ લાગતાં ચકકાજામ,ફાયર બ્રિગેડે આગ કાબૂમાં લીધી

વડોદરાઃ વાઘોડિયારોડ પર એલએન્ડટી નજીક આજે સાંજે પસાર થતી ટ્રકની ડ્રાઇવર કેબિનમાંથી એકાએક ધુમાડા નીકળવા માંડતા ડ્રાઇવરે સમયસૂચકતા વાપરી ટ્રક સાઇડ પર લીધી હતી.

ટ્રક ડ્રાઇવર નીચે ઉતર્યો અને ત્યાર બાદ થોડી જ વારમાં આગ વધુ ભભૂકી હતી.જે દરમિયાન ફાયર બ્રિગેડ આવી જતાં પંદરેક મિનિટમાં આગ કાબૂમાં લીધી હતી.બનાવને પગલે હાઇવે પર ટ્રાફિક જામ થતાં પોલીસ મદદરૃપ થઇ હતી.

આગ લાગવાનું ચોક્કસ કારણ જાણી શકાયું નથી.જેથી પોલીસે પ્રાથમિક વિગતો મેળવી ડ્રાઇવરની પૂછપરછ કરી હતી.