મંગળબજારમાં ઇલેકટ્રિક કેબલમાં ધડાકા થતાં નાસભાગ મચી,રેસકોર્સના ફ્લેટમાં આગ લાગતાં પરિવારનો બચાવ

વડોદરાઃ શહેરમાં આગ લાગવાના જુદાજુદા ત્રણ બનાવ બન્યા હતા અને સારાનશીબે ત્રણેય બનાવમાં જાનહાનિ થતાં રહી ગઇ હતી.

અત્યંત ભરચક રહેતા મંગળબજારમાં બપોરના સમયે પ્રતાપ મડધાની પોળ ખાતે એકાએક વીજ કેબલમાં ધડાકા થતાં લોકોએ બૂમાબૂમ કરી નાસભાગ કરી હતી.જો કે વીજ કંપનીની ટીમ અને ફાયર બ્રિગેડ આવી જતાં સ્થિતિ સંભાળી લીધી હતી.

રેસકોર્સ વિસ્તારમાં હરિભક્તિ કોલોની ખાતે એપોર્ટમેન્ટના ચોથામાળે ફ્લેટમાં મધરાતે આગ લાગતાં દંપતી અને પુત્ર બહાર નીકળી જતાં બચી ગયા હતા.આગમાં ફર્નિચર, ટીવી,ગાદલાં સહિતની ચીજોને નુકસાન થયું હતું.વડીવાડી ફાયર બ્રિગેડની ટીમે આગ કાબૂમાં લીધી હતી.

અલકાપુરી સેન્ટર પોઇન્ટ પાછળ બેન્ક ઓફબરોડાની બ્રાન્ચમાં આજે બપોરે આગ લાગી હોવાનો ફાયર બ્રિગેડને કોલ મળતાં ટીમ પહોંચી હતી.જો કે તે પહેલાં જ આગ કાબૂમાં લઇ લેવાતાં વધુ નુકસાન થતાં અટક્યું હતું.