સનફાર્મા રોડ પર ભરબપોરે મકાનના કમ્પાઉન્ડમાં મુકેલો 50 કિલોનો ગેટ બે ચોર સ્કૂટર પર ચોરી ગયા

symbolic

વડોદરાઃ સનફાર્મા રોડ પર મકાનના રિનોવેશન દરમિયાન બે ચોર બપોરના સમયે કમ્પાઉન્ડમાં મુકેલો ૫૦ કિલો વજનનો લોખંડનો ગેટ ઉઠાવી જતાં પોલીસ ફરિયાદ નોંધાઇ છે.

ગુણાતીત પાર્કમાં રહેતા વ્રજેશ પટેલે પોલીસને કહ્યું છે કે,માર્ચ મહિનામાં મેં એક મકાન લીધું હતું.જેનું રિનોવેશન ચાલી રહ્યું છે.ગઇ બપોરે હું મારી પત્ની સાથે ભાડાના મકાનમાં જમવા ગયો તે દરમિયાન કમ્પાઉન્ડમાં મુકેલો સાત ફૂટનો ૫૦ કિલો વજનનો લોખંડનો ગેટ ચોરાઇ ગયો હતો.

કેમેરા તપાસતાં સ્કૂટર પર આવેલા બે યુવક ગેટ ચોરી જતા દેખાયા છે.આ અગાઉ પણ મારા મકાનમાંથી ઇલેકટ્રિક મોટર અને મોબાઇલની ચોરી થઇ હતી.જે પી રોડ પોલીસે ગુનો નોંધી તપાસ હાથ ધરી છે.