રિક્ષાપાછળ લટકીને સ્ટંટ કરનારા પકડાયા બાદ બાળકને બાઇકનું સ્ટિઅરિંગ આપનાર યુવક પકડાયો

વડોદરાઃ ફતેગંજ વિસ્તારમાં ચાલુ રિક્ષાની પાછળ લટકીને સ્ટંટબાજી કરતા નવાયાર્ડના  રિક્ષા ચાલક જુબેર પઠાણ સહિત ચારને ફતેગંજ પોલીસે વાયરલ વીડિયો પરથી ઝડપી લીધા બાદ વધુ એક જોખમી વીડિયો વાયરલ થતાં કારેલીબાગ પોલીસે બાઇક સવારને ઝડપી પાડયો છે.

ેબાઇક  પર બે મહિલા સાથે જતા યુવકની આગળ પેટ્રોલ ટેન્ક પર બેઠેલા  બાળકને બાઇકનું સ્ટિઅરિંગ આપીને ત્રણ જણા જઇ રહ્યા હોવાનો વીડિય વાયરલ થતાં  કારેલીબાગ પોલીસ દોડતી થઇ હતી.

ડીસીપી પન્ના મોમાયાની સૂચના મુજબ કારેલીબાગના પીઆઇ ડીવી બલદાનિયા અને ટીમે વીડિયોની ખરાઇ કરતાં આ વીડિયો કારેલીબાગ પાણીની ટાંકીથી મુક્તાનંદ સર્કલ વચ્ચે હોવાનું જાણવા મળ્યું હતું.

જેથી પોલીસે તપાસ કરી તૌફિક ઇદરીશ ભાઇ વ્હોરા(તુલસીવાડી,રોશન નગર)ને શોધી કાઢી તેની સામે કાર્યવાહી કરી હતી.આમ,જોખમી સ્ટંટ કરનારા બે દિવસમાં કુલ પાંચ જણા પકાયા છે.