વડોદરામાં NSUI ના આગેવાનની પોલીટેકનિકમાં મારામારીનો વિડીયો વાયરલ

વડોદરા,તા.26 માર્ચ 2024,મંગળવાર

એમ.એસ.યુનિવર્સિટીની પોલિટેકનિકમાં કોંગ્રેસની વિદ્યાર્થી પાંખ NSUIના ઉપપ્રમુખની મારામારીનો વિડીયો વિદ્યાર્થીઓમાં વાયરલ થયો છે 

મળતી વિગત પ્રમાણે પોલિટેકનિક ખાતે આજે સવારે કેટલાક વિદ્યાર્થીઓ વચ્ચે મારામારી થઈ હતી. આ વીડિયોમાં જોઈ શકાય છે કે પહેલા વિધાર્થીઓ વચ્ચે બોલાચાલી થઈ હતી અને પછી મારામારી શરૂ થઈ ગઈ હતી.

વીડિયોમાં મારામારી કરનારાઓમાં NSUI ના ઉપપ્રમુખ સુઝાન લાડમેન સામેલ હોવાનું જણાઈ આવે છે. NSUI પ્રમુખ અમર વાઘેલાએ પણ આ વિડીયો જોયો હોવાનું કહ્યું હતું. જો કે તેમણે મારામારી કયા કારણસર થઈ છે તેની જાણ નહીં હોવાનું કહ્યું હતું.