અઠંગ વાહન ઉઠાવગીરે પોતાના એપાર્ટમેન્ટના પાર્કિંગમાંથી જ બાઇક ચોરી

વડોદરાઃ અઠંગ વાહન ઉઠાવગીરે પોતાના એપાર્ટમેન્ટમાંથી જ મોટર સાઇકલની ઉઠાંતરી કરતાં ફરી એક વાર પોલીસના હાથે ઝડપાયો છે.

અજબડી મિલ રોડ પર ક્રાઇમ બ્રાન્ચની ટીમે અગાઉ વાહનચોરીમાં પકડાયેલા અને તડીપાર થઇ ચૂકેલા સાકિબ ઉર્ફે કાલુ સલીમ મીયા શેખ(આફરિન કોમ્પ્લેક્સ,નવાબનો વાડો)ને અટકાવી બાઇકના કાગળો માંગતા તેની પાસે મળ્યા નહતા.

પોલીસે તપાસ કરતાં આ મોટર સાઇકલ પાંચેક દિવસ પહેલાં જ સાકિબ રહેતો હતો તે એપાર્ટમેન્ટના પાર્કિંગમાંથી ચોરાઇ હોવાની વિગતો ખૂલી હતી.જેથી તેને ચોરીના ગુનામાં પકડી કારેલીબાગ પોીલસને સોંપવાની તજવીજ કરાઇ હતી.સાકિબ સામે અગાઉ વાહન ચોરીના ૧૦ ગુના સહિત કુલ ૧૭ જેટલા ગુના નોંધાયા છે.