વાઘોડિયા રોડ પર કૂતરૃં રસ્તા વચ્ચે આવી જતા રિક્ષા પલટી

 વડોદરા,રસ્તા વચ્ચે કૂતરૃં આવી જતા  રિક્ષા પલટી ગઇ  હતી. રિક્ષામાં બેસેલા આધેડને ઇજા પહોંચતા સારવાર માટે સયાજી હોસ્પિટલમાં  લઇ જવામાં આવ્યા હતા.

ખોડિયાર નગર વુડા હાઉસિંગના મકાનમાં  રહેતો ૨૫ વર્ષનો પ્રકાશ જીવણભાઇ બારિયા આજે બપોરે એક વાગ્યે બાઇક લઇને ખોડિયાર નગર ડી માર્ટ પાસેથી જતો હતો. તે દરમિયાન રસ્તા વચ્ચે કૂતરૃં આવી જતા તે બાઇક પરથી નીચે પટકાતા ડાબા પગે ઇજા પહોંચી હતી. જેથી,તેને સારવાર માટે સયાજી હોસ્પિટલમાં દાખલ કરવામાં આવ્યો છે.

જ્યારે અન્ય એક બનાવમાં વારસિયા તિવારીની ચાલીમાં રહેતા ૫૧ વર્ષના ધર્મરાજસિંહ રામખિલાવન રાજપૂત ગઇકાલે મોડીરાતે રિક્ષામાં જતા હતા.રાતે બે વાગ્યે વાઘોડિયા રોડ ગુરૃકુળ ચાર રસ્તા પાસે અચાનક કૂતરૃં આવી જતા રિક્ષા પલટી ગઇ હતી. જેથી, ધર્મરાજસિંહને છાતીમાં ડાબી બાજુ ઇજા થતા સારવાર માટે સયાજી હોસ્પિટલમાં લઇ જવામાં આવ્યા હતા.