પિત્ઝા અને રાત સાથે રહેવાની ઓફર કરી પજવતા રોમિયાને હોસ્ટેલની વિદ્યાર્થિનીએ પાઠ ભણાવ્યો

વડોદરાઃ વડોદરા નજીક વાઘોડિયા પાસે આવેલી એક હોસ્ટેલમાં રહેતી વિદ્યાર્થિનીએ તેને પજવતા રોમિયાને પાઠ ભણાવવા અભયમ અને પોલીસની મદદ લીધી હતી.

વાઘોડિયા ગામ પાસે એક હોસ્ટેલમાં રહેતી વિદ્યાર્થિની રોજ રાતે જમ્યા પછી બહેનપણી સાથે વોક માટે નીકળતી હતી. છેલ્લા ચાર-પાંચ દિવસથી બાઇક પર આવતા બે યુવક તેમનો પીછો કરતા હતા.

છેડતી કરતા યુવકો અપશબ્દો બોલી અમારી સાથે આવવું છે,ડિનર લઇશું..પિત્ઝા પણ ખવડાવીશું,પણ રાતે અમારે ઘેર રહેવું પડશે..તેમ કહી સતત પજવણી કહ્યા હતા.જેથી યુવતીએ અભયમની મદદ લીધી હતી.

અભયમની ટીમ પહોંચી ત્યારે બંને યુવકો ફરાર થઇ ગયા હતા.પરંતુ યુવતીએ બાઇક નંબર નોંધી રાખ્યો હોવાથી અભયમની ટીમ તેને લઇને નજીકના પોલીસ સ્ટેશનમાં પહોંચી હતી.હવે પોલીસ  દ્વારા બાઇકના નંબરને આધારે બંનેની શોધખોળ કરવામાં આવશે.