વડોદરા નજીક હાઇવે પર પાછળથી આવેલી ટ્રક કારને 100 ફૂટ ઢસડી ગઇ

વડોદરાઃ વડોદરા પાસેના હાઇવે પર  આજે સવારે એક કાર અને ટ્રક વચ્ચે થયેલા અકસ્માતમાં કાર ચાલકનો  બચાવ થયો હતો.

છાણીની ભવ્ય રેસિડેન્સીમાં રહેતા અને ખાનગી કંપનીમાં મેનેજર તરીકે ફરજ બજાવતા આતિષ પટેલે(મૂળ ઉંઝા)પોલીસને કહ્યું હતું કે,આજે સવારે હું કારમાં નોકરીએ જતો હતો ત્યારે દેણા થી ગોલ્ડન ચોકડી વચ્ચે પાછળથી ધસી આવેલી ટ્રકે કારને એક્સિડન્ટ કર્યો હતો.

મારી કાર ૧૦૦ ફૂટ સુધી ઢસડાઇ હતી અને ઘણું નુકસાન થયું હતું.પરંતુ મારો બચાવ થયો હતો.ફરિયાદને આધારે હરણી પોલીસે ગુનો નોંધ્યો છે.