અટલાદરા કલાલી બ્રિજ પર વાનમાં આગ લાગતાં અફરાતફરીઃઆખી વાન ખાક

વડોદરાઃ અટલાદરા બ્રિજ પર આજે બપોરે એક વાનમાં આગ લાગતાં અફરાતફરીનો માહોલ સર્જાયો હતો.આગમાં આખી વાન ખાક થઇ ગઇ હતી.

અટલાદરા-કલાલી બ્રિજ પરથી પસાર થતી એક વાનમાં કોઇ કારણસર આગ લાગતાં ચાલક સમયસૂચકતા વાપરીને નીચે ઉતરી જતાં તેનો  બચાવ થયો હતો.

બનાવને પગલે વાહનચાલકોમાં ગભરાટ ફેલાયો હતો અને થોડીવાર માટે વાહન વ્યવહાર પર અસર પણ પડી હતી.ફાયર બ્રિગેડ આગ કાબૂમાં લે તે પહેલાં તો આખી વાન આગમાં ખાક થઇ ગઇ હતી.