કાર ભાડે ફેરવવાના બહાને લઇ જઇ સગેવગે કરી દીધી

 વડોદરા,કાર ભાડે ફેરવવા માટે લઇ સગેવગે કરી દેનાર આરોપી સામે માંજલપુર પોલીસે ગુનો દાખલ કરી વધુ તપાસ હાથ ધરી છે.

રાવપુરા પ્રતાપરોડ તાંબેકરની હવેલી સામે રહેતા નિલેશ રતિલાલ પટણી ડ્રાઇવિંગ કરે છે. માંજલપુર પોલીસ સ્ટેશનમાં તેમણે ફરિયાદ નોંધાવી જણાવ્યું છે કે, મારા સાળા જીજ્ઞોશ સુરેશભાઇ પટણી (રહે. કલા દર્શન ફ્લેટ, વાઘોડિયા રોડ) ની મકરપુરા જી.આઇ.ડી.સી.માં ફેક્ટરી છે. તેમના મિત્ર મનોજ સુરેશભાઇ જોબનપુત્રા ( રહે. બ્રાહ્મણ ફળિયું, જાંબુવા ગામ) ભવાની ટ્રાવેલ્સના નામે ધંધો કરે છે. તેઓને ધંધા માટે કારની જરૃર હોવાથી અમે તેઓને મળ્યા હતા. મનોજે મને કહ્યું કે, તમે કાર ભાડે આપશો તો દર મહિને ૫૦ હજાર ભાડૂ આપીશ. ત્યારબાદ મેં ફેબુ્રઆરી - ૨૦૨૪ માં મારા નામથી નવી કાર ખરીદી હતી. મેં તેઓને કાર ભાડે ફેરવવા માટે આપી હતી. બીજે મહિને કારનો હપ્તો ભરવાનો હોવાથી મેં મનોજ પાસે રૃપિયાની માંગણી કરી હતી. પરંતુ, તે બહાના બતાવતો હતો. તેના ઘરે જતા તે મળતો નહતો. તેમજ ફોન પર ધમકીઓ આપતો હતો. તેણે અત્યારસુધી મને કાર પણ પરત આપી નથી તેમજ ભાડાના રૃપિયા પણ આપ્યા નથી. માંજલપુર  પોલીસે આ અંગે ગુનો દાખલ કરી વધુ તપાસ હાથ ધરી છે.