કાર ચાલકે વળાંક લીધો અને યુવતી કાર નીચે આવી ગઇ

 વડોદરા,ભાયલી વિસ્તારમાં સંઘાણી સ્કાય રેસિડેન્સી નજીક કૂતરાને બિસ્કીટ ખવડાવતી યુવતી પર એક કાર ચઢી જતા તેને ગંભીર ઇજા થઇ હતી. 

પોલીસ સૂત્રો દ્વારા મળતી માહિતી મુજબ, ભાયલી વિસ્તારમાં સંઘાણી સ્કાય રેસિડેન્સી નજીક રોડ  પર એક યુવતી કૂતરાને બિસ્કીટ ખવડાવી રહી હતી. તે દરમિયાન એક કાર વળાંક લઇને બહાર રોડ પર આવી રહી છે.યુવતી વળાંક પર જ બેઠી હોવાથી કાર ચાલકને તેની જાણ થઇ નહતી. અને કાર યુવતી  પર ચઢી જતા લોકો દોડી આવ્યા હતા. યુવતીને કાર નીચેથી બહાર કાઢી કાર ચાલક યુવક જ તેને સારવાર માટે ખાનગી હોસ્પિટલમાં લઇ ગયો હતો.