વડોદરા: ગોત્રી વિસ્તારમાં ઇકો ગાડીમાંથી દાહોદના યુવકનો મૃતદેહ મળી આવ્યો

Image Source: Freepik

વડોદરા, તા. 13 જાન્યુઆરી 2024 શનિવાર

ગોત્રી વિસ્તારમાં ઇકો ગાડીમાંથી મૃતદેહ મળી આવતા ચક ચાર મચી ગઈ છે. યુવક પાસેથી મળી આવેલા આઈડી પરથી યુવક દાહોદના વેજલપુર નો હોવાનું જાણવા મળ્યું છે. પોલીસ દ્વારા યુવકના સંબંધીઓનો સંપર્ક કરી પીએમ કરાવવાની તજવીજ હાથ ધરી છે.

શહેરના ગોત્રી વિસ્તારમાં આવેલા ગોકુલ પાર્ટી પ્લોટ પાસેથી શનિવારે સવારના સમયે ઇકો ગાડીમાંથી એક યુવકની લાશ મળી આવતા સમગ્ર પંથકમાં ચકચાર નથી જવા પામી છે. કોઈ નાગરિક દ્વારા મૃતદેહ બાબતે ગોત્રી પોલીસને જાણ કરાતા સ્ટાફના માણસો કટના સ્થળ પર પહોંચી ગયા હતા. મૃતદેહની તપાસ કરતા મળી આવેલા આઈડી પ્રૂફ પરથી યુવક દાહોદના વેજલપુર ગામનો હોવાનું જાણવા મળ્યું હતું. ગોત્રી પોલીસ દ્વારા આઈડી પ્રુફ ના આધારે તેના વાલી વારાસોનો સંપર્ક કરવામાં આવ્યો હતો. તેના સંબંધો વડોદરા આવવા માટે નીકળી ગયા છે. તેઓ આવ્યા બાદ જ યુવક વડોદરા ના ગોત્રી વિસ્તારમાં કેમ આવ્યો હતો અને આ ઇકો ગાડી તેની છે કે અન્ય કોઈની છે તે પણ જાણી શકાશે. હાલમાં પોલીસ દ્વારા પીએમ કરાવવાની તજવીજ હાથ ધરવામાં આવી છે.