વડોદરામાં વાંદરુ વચ્ચે આવતા વાહન ચાલક પટકાયો

વડોદરા,તા.03 ફેબ્રુઆરી 2024,શનિવાર

વડોદરા શહેરના ફતેગંજ વિસ્તારમાં ગત રોજ વાંદરો આવી જતા વાહન ચાલકને અકસ્માત થયો હતો અને ચાલક ઇજાગ્રસ્ત થયો હતો. 

શહેરના ફતેગંજ વિસ્તારમાં શ્રીરંગ સોસાયટી નજીક ગત રોજ એક વ્યક્તિ પોતાનું વાહન લઈને પસાર થઈ રહ્યો હતો. ત્યારે અચાનક એક વાંદરુ દોડતું આવતા વાહન ચાલક જમીન પર પટકાયો હતો. તેને ઈજા થતા અહીંથી પસાર થતાં અન્ય વાહન ચાલકોએ તુરંત પોતાનું વાહન થભાવીને ઈજાગ્રસ્તને મુખ્ય રસ્તાની સાઈટ પર લઈ ગયા હતા અને બનાવ અંગે તેના પરિવારને જાણ કરી હતી. જેથી પરિવારના કેટલાક સભ્યો તાત્કાલિક ઘટના સ્થળે દોડી આવ્યા હતા અને ઇજાગ્રસ્તને સારવાર અર્થે હોસ્પિટલ ખાતે લઈ ગયા હતા.