કોર્પોરેશનની ખાલી પડેલી જગ્યાની લેવાયેલી પરીક્ષાઓની આન્સર કી વેબસાઈટ પર મૂકવામાં આવી

Image Source: Freepik

વડોદરા, તા. 18 જાન્યુઆરી 2024 ગુરૂવાર

વડોદરા મ્યુનિસિપલ કોર્પોરેશનમાં સરકારની સો ટકા ગ્રાન્ટ આધારિત વિવિધ જગ્યાઓ માટે ગયા મહિને તા ૧૭ ડિસેમ્બરે યોજાયેલી સ્પર્ધાત્મક લેખિત પરીક્ષાની ફાઈનલ આન્સર કી પાલિકાની વેબસાઈટ પર મૂકવામાં આવી છે.

અત્રે ઉલ્લેખનીય છે કે વડોદરા મહાનગરપાલિકામાં રાજ્ય સરકારની સો ટકા ગ્રાન્ટ આધારિત મેડિકલ ઓફિસર, લેબ ટેક્નિશિયન, એક્સરે ટેકનીશીયન, ફાર્માસિસ્ટ, સ્ટાફ નર્સ, મલ્ટી પરપઝ હેલ્થ વર્કર તથા ફિમેલ હેલ્થ વર્કરની જગ્યાઓ માટે ગયા મહિને તા ૧૭ મી ડિસેમ્બરે સ્પર્ધાત્મક લેખિત પરીક્ષા લેવામાં આવી હતી આ પરીક્ષાની ફાઈનલ આન્સર કી વડોદરા મહાનગરપાલિકાની વેબસાઈટ પર મૂકવામાં આવેલી છે જે અંગે ઉમેદવારોએ નોંધ લેવા પાલીકા ડે. મ્યુ. કમિશનર હસમુખ પ્રજાપતિ દ્વારા જણાવાયું છે.