દારૂના રૂપિયા નહી આપતા ઉશ્કેરાયેલા શખ્સે યુવકના માથામાં લાકડાના ફટકા માર્યા

Image Source: Freepik

વડોદરા, તા. 12 માર્ચ 2024 મંગળવાર

મકરપુરા વિસ્તારમાં દારૂના રૂપિયા નહી આપતા યુવકના માથામાં લાકડાના ફટકા મારી દીધી હતી. જેથી યુવક જમીન પર ફસડાઇ પડતા તેના મામાએ તાત્કાલિક સારવાર માટે હોસ્પિટલમાં ખસેડવામાં આવ્યો હતો. 

મૂળ પંજાબના અને હાલમાં શહેરના માણેજા વિસ્તારમાં વિઠ્ઠલનગરમાં રહેતા તજીન્દરસિંગ પરગરસિંગ મકરપુરા જીઆઈડીસી ખાતેની મિત્તલ ઇન્ડસ્ટ્રીઝ કંપનીમાં હેલ્પર તરીકે નોકરી કરે છે. તેઓએ પોલીસ ફરિયાદ નોંધાવી છે કે  સોમવારે સાંજના સમયે  મારા ઘરની બહાર  આંટા ફેરા મારતો હતો. દરમ્યાન રાત્રીના આઠેક વાગે પંચશીલનગર ખાતે પહોંચતા મયુર વસાવા મારી પાસે આવી દારૂ પીવા માટે ઉછીના પૈસાની માંગણી કરવા લાગ્યો હતો. જેથી મે પૈસા આપવાની ના પાડતા  મયુર વસાવા એકદમ ઉશ્કેરાઈ ગયો હતો અને ઝઘડો કરી મારી ફેટ પકડી લીધી હતી. અમે છોડાવવા જતા મયુર વધુ ગુસ્સામાં આવી લાકડુ માથાના ફટકો મારી દીધો હતો.  જેથી મને લોહી નીકળવા લાગ્યું હતું અને હું જમીન ઉપર ફસડાઇ પડ્યો હતો. મારા મામા સતનામસિંગે તાત્કાલીક આવી મને ૧૦૮ એમ્બ્યુલન્સમાં મને મકરપુરા હોસ્પીટલ ખાતે સારવાર અર્થે ખસેડવામાં આવ્યો હતો.