ચોર પાસેથી દાગીના ખરીદનાર આરોપી ઝડપાઇ ગયો

 વડોદરા,ચોર પાસેથી સોના - ચાંદીના દાગીના લેનાર આરોપીને ગ્રામ્ય પેરોલ ફર્લો સ્કવોડ દ્વારા ઝડપી પાડવામાં આવ્યો છે.

વાઘોડિયા તાલુકાના દત્તપુરા ગામે શુભ ટેનામેન્ટમાં રહેતા કોન્ટ્રાક્ટર અજયકુમાર કેદારનાથ પટેલના ઘરમાંથી  ચોર ટોળકી સોના - ચાંદીના દાગીના મળીને ૧.૫૩ લાખની મતા ચોરી ગઇ હતી. જે અંગે વાઘોડિયા પોલીસ સ્ટેશનમાં ગુનો દાખલ થયો હતો. આ ઉપરાંત અન્ય એક ચોરીનો ગુનો પણ નોંધાયો હતો. આ ગુનામાં પકડાયેલા આરોપીઓ પાસેથી સામાન ખરીદનાર ભરત મોતીભાઇ પંચાલ (રહે.  પંચાલ ફળિયું, ચીલાકોટા,તા.લીમખેડા, જિ.દાહોદ)ને ગ્રામ્ય પેરોલ ફર્લો સ્કવોડે ઝડપી પાડયો છે. આરોપી પાસેથી પોલીસે ૧.૬૧ લાખનો મુદ્દામાલ કબજે કર્યો છે. આરોપીની અગાઉ ૧૯ ગુનામાં સંડોવણી હોવાની વિગતો જાણવા મળી છે. પી.એસ.આઇ. વી.જી. લાંબરિયાએ હાથ ધરેલી પ્રાથમિક પૂછપરછ દરમિયાન આરોપી વલસાડ જિલ્લાના પારડી  પોલીસ સ્ટેશનના ગુનામાં પણ વોન્ટેડ છે.