વોટ્સએપ પર આંકડાનો જુગાર રમાડતો આરોપી ઝડપાયો

વડોદરા.વોટ્સએપ પર આંકડાનો જુગાર રમાડતા આરોપીને પોલીસે ઝડપી પાડયો છે. જ્યારે દાંડિયાબજાર વિસ્તારમાં આંકડાનો મોટો જુગાર રમાડતી મહિલાની ત્યાં પોલીસે રેડ કરી હતી.

દાંડિયાબજાર કાકાસાહેબના ટેકરા વિસ્તારમાં રહેતા તારાબેન શાંતિલાલ રાવળ નોકરો રાખી આંકડાનો જુગાર રમાડી રહી હોવાની માહિતી પીસીબી પોલીસને મળી હતી. જેથી, પોલીસે ઉપરોક્ત સ્થળે જઇને રેડ કરતા (૧) સાબિર અહેમદભાઇ દિવાન ( રહે. પાલેજવાલાની ચાલી, સયાજીગંજ) (૨) જય ગૌતમભાઇ રાવલ ( રહે. કાકા સાહેબનો ટેકરો, દાંડિયાબજાર) (૩) નીતિન સદાનંદભાઇ કાઠેકર ( રહે. શ્રી સાંઇનાથ કો.ઓ.સોસાયટી, વાસણા રોડ)(૪) બાબુ કાંતિભાઇ માળી ( રહે. માળી મહોલ્લો, નવાપુરા) મળી આવ્યા હતા. તેઓને ઝડપી પાડી પોલીસે ૧૨,૩૮૫ રૃપિયાનો મુદ્દામાલ કબજે કર્યો છે. જ્યારે તારાબેનને વોન્ટેડ જાહેર કર્યા હતા. અન્ય એક બનાવમાં  ન્યૂ લહેરીપુરા રોડ સંતોષ નિવાસ લોજ  પાસે વોટ્સએપ પર આંકડાનો જુગાર રમાડતા હૈદરખાન અબ્બાસખાન પઠાણ (રહે. જહુરશાનો ટેકરો, પાણીગેટ) ને ઝડપી પાડયો હતો. જ્યારે ફિરોજ પઠાણ સહિત ત્રણને વોન્ટેડ જાહેર કર્યા છે.