ડભોઇ રોડ પર વિદેશી દારૃ વેચતો આરોપી પકડાયો

વડોદરા,અગાઉ પ્રોહિબિશનના કેસમાં પકડાયેલા અને વાડી પોલીસની નિષ્કાળજીથી પાસામાં નહીં ધકેલાયેલા આરોપીને પીસીબી પોલીસે ગઇકાલે રાતે ફરીથી દારૃ વેચતા ઝડપી પાડયો છે. પોલસે તેની  પાસેથી  દારૃ અને બિયરની ૧૦૨ બોટલ કબજે કરી છે.

પીસીબી પોલીસને માહિતી મળી હતી કે, ડભોઇ રોડ યમુના મિલ પાસે જય નારાયણ નગરમાં રહેતો આતિશ વિનોદભાઇ ઠાકોર વિદેશી દારૃનો જથ્થો લાવ્યો છે અને હાલમાં વેચાણ કરી રહ્યો છે. જેથી,પીસીબી પી.આઇ. એસ.ડી. રાતડાની સૂચના મુજબ, સ્ટાફે ઉપરોક્ત સ્થળે રેડ કરતા આતિશ ઠાકોર ઝડપાઇ ગયો હતો. તેણે મોપેડ તથા ખુલ્લી જગ્યામાં દારૃનો જથ્થો સંતાડી રાખ્યો હતો. પોલીસે દારૃ અને બિયરન ૧૦૨ બોટલ કિંમત રૃપિયા ૧૫,૬૦૦ ની કબજે કરી હતી. દારૃ, મોપેડ અને બે મોબાઇલ ફોન મળીને પોલીસે કુલ  રૃપિયા ૭૫,૬૦૦ નો મુદ્દામાલ કબજે કર્યો છે. આતિશ ઠાકોર સામે અગાઉ વાડીમાં પાંચ અને બાપોદમાં પ્રોહિબિશનનો એક ગુનો દાખલ થયો છે.