ઓનલાઇન ભાડે લીધેલી કાર વેચી દેનાર ગેંગનો સાગરીત આઠ મહિને પકડાયો

વડોદરાઃ ઓનલાઇન કાર ભાડે લીધા બાદ ફરાર થઇ ગયેલી ગેંગનો સાગરીત આઠ મહિના બાદ પકડાયો છે.

પોલીસના જણાવ્યા પ્રમાણે,ચાર મિત્રોએ આઠ મહિના પહેલાં ઝૂમકાર મારફતે ઓનલાઇન કાર ભાડે લીધી હતી.પરંતુ ત્યારબાદ  કાર પરત નહિં કરતાં પાણીગેટ પોલીસ સ્ટેશને ગુનો નોંધાયો હતો.આ કાર એક સાગરીતે રાજસ્થાનમાં વેચી દીધી હોવાનું ખૂલ્યું હતું.

આ ગુનામાં આઠ મહિનાથી ફરાર અતાઉર્રહેમાન સાકીરભાઇ મેમણ(સ્ટાર્ક સિટિ-૦૨,વાસણા-ભાયલીરોડ,તાંદલજા)ને એસઓજીની ટીમે તાંદલજા વિસ્તારમાંથી ઝડપી પાડી પાણીગેટ પોલીસને સોંપ્યો હતો.  પકડાયેલા આરોપી સામે મુંબઇ,અમદાવાદ અને વડોદરામાં જુદાજુદા પાંચ ગુના નોંધાયેલા છે.