વડોદરા શહેરમાં એક વર્ષ માટે તડીપાર કરાયેલો આરોપી આજવા રોડ પરથી ઝડપાયો

Image Source: Freepik

વડોદરા, તા. 08 ડિસેમ્બર 2023 શુક્રવાર

વડોદરા શહેરમાંથી એક વર્ષ માટે તડીપાર કરેલા આરોપીને તડીપારના હુકમનો ભંગ કરીને શહેરમાં પ્રવેશ કર્યો હતો. પીસીબી પોલીસે તેને આજવા રોડ પર લેપ્રેસી ગ્રાઉન્ડ પાસેથી ઝડપી પાડી બાપોદ પોલીસે સુપ્રત કરાયો છે. 

વડોદરા શહેરમાંથી તડીપાર કર્યા હોવા છતાં પોલીસની આખમાં ધૂળ નાખીને આરોપી ઘુસી આવતા હોય છે અને તેના ઘરે કે પછી ભાડાનું મકાન રાખીને રહેતા હોય છે. ગુરુવારે પીસીબી પોલીસનો સ્ટાફ શહેર વિસ્તારમાં પેટ્રોલિંગમાં હતો તે દરમિયાન આજવા રોડ પર સરદાર એસ્ટેટ પાસે આવતા બાતમી મળી હતી કે આજવા રોડ એકતાનગરમાં રહેતો જસુસિંગ ઉર્ફે ચિંટુ સિકલીગરને વડોદરા શહેરમાંથી તડીપાર કર્યો હોવા છતાં શહેરમાં ઘુસી આવ્યો અને હાલમાં લેપ્રેસી ગ્રાઉન્ડ પાસે ઉભો છે. જેના આધારે પીસીબી પોલીસની ટીમે સ્થળ પર પહોંચીને આરોપીને ઝડપી પાડ્યો હતો. પીસીબી પોલીસે આરોપીને બાપોદ પોલીસ સ્ટેશનમાં આગળની કાર્યવાહી માટે સોંપવામાં આવ્યો છે.