સ્પેનના વડાપ્રધાન પેડ્રો સાંચેઝના પત્નીએ પંજાબી 'કરી' ખાવાની ઇચ્છા વ્યક્ત કરી

Punjabi Curry Add in Menu : સોમવારે વડાપ્રધાન નરેન્દ્ર મોદીની સાથે સ્પેનના વડાપ્રધાન પેડ્રો સાંચેઝ અને તેમના પત્ની બેગોનીઆ ગોમેઝ વડોદરામાં મહેમાન બન્યા હતા. વડોદરામાં આ પહેલી ઘટના હતી કે એક સાથે બે વડાપ્રધાન શહેરના મહેમાન બન્યા હોય. બન્ને મહાનુભાવોએ શહેરના ઐતિહાસિક લક્ષ્મીવિલાસ પેલેસમાં બપોરનું ભોજન કર્યુ હતું. 

અતિથિઓને શુદ્ધ-શાકાહારી આ વાનગીઓ પીરસવામાં આવી

મહત્ત્વની વાત એ છે કે બેગોનીઆ ગોમેઝે પંજાબી કરી ટેસ્ટ કરવાની ઇચ્છા વ્યક્ત કરી હોવાથી મેનુમાં છેલ્લી ઘડીએ ફેરફાર કરાયો હતો. તેઓની ઇચ્છાને માન આપીને પનીર ભુના મસાલા, મિક્સ વેજ કોફ્તા, શાહી પનીર બટર મસાલા જેવી વાનગીઓને પણ તૈયાર કરવામાં આવી હતી. મુંબઇ અને દિલ્હીના માસ્ટર સેફ દ્વારા રસોઇ તૈયાર કરવામાં આવી હતી.