સાવલીના ફટાકડાના હોલસેલ વેપારીને ત્યાં જીએસટીનું સર્ચ

સાવલી,વડોદરા જિલ્લાના સાવલીમાં રાકેશ ફટાકડા સ્ટોરમાં જીએસટી વિભાગે  સર્ચ ઓપરેશન હાથ ધરતા બજારમાં વેપારીઓમાં ફફડાટ જોવા મળ્યો હતો.

સાવલી ખાતે રાકેશ ફટાકડાની ઓફિસ પર જી એસ ટી  વિભાગના અધિકારીઓ સર્ચ ઓપરેશન માટે પહોંચ્યા બાદ ઓફિસ તેમજ સાવલી સ્થિત  અલગ અલગ ગોડાઉનમાં સર્ચ હાથ ધર્યું હતું. જે દરમિયાન દુકાનદારના કર્મચારીઓ અને મોટી સંખ્યામાં આવેલા ગ્રાહકોમાં આશ્ચર્ય ફેલાયું હતું. રાકેશ ક્રેકર્સમાંથી રાજ્યભરના વેપારીઓ હોલસેલથી દારૃખાનું ખરીદે છે.