આજથી વડોદરાની ૧૫૦૦ ઉપરાંત સ્કૂલોમાં શિક્ષણની શરુઆત થશે

વડોદરાઃ આજે દિવાળી વેકેશનની સમાપ્તિ થતાની સાથે જ હવે ૩૦ નવેમ્બર, ગુરુવારથી વડોદરા શહેર જિલ્લાની ૧૫૦૦ કરતા વધારે સ્કૂલો વિદ્યાર્થીઓની ચહલ પહલથી અગાઉની જેમ ધમધમી ઉઠશે.

રાજ્ય સરકારના એકેડમિક કેલેન્ડર પ્રમાણે આજે વડોદરાની તમામ પ્રાથમિક, માધ્યમિક અને ઉચ્ચતર માધ્યમિક સ્કૂલોમાં ૨૧ દિવસનુ દિવાળી વેકેશન પૂર્ણ થયુ હતુ.તહેવારોની ઉજવણી તેમજ બહારગામ ફરવા જવાની મઝા માણનારા વિદ્યાર્થીઓ માટે હવે ફરી એક વખત અભ્યાસ શરુ કરવાનો સમય પણ આવી ગયો છે.

વિદ્યાર્થીઓ આવતીકાલ, ગુરુવારથી ફરી એક વખત સ્કૂલે જતા થઈ જશે.શિક્ષણ કાર્ય શરુ થતા જ તહેવારોનો માહોલ પણ ખતમ થઈ જશે .