સયાજી હોસ્પિટલને ૮૫ લાખની કિંમતના સાધનો ભેટમાં મળ્યા

 વડોદરા,સયાજી હોસ્પિટલને આજે ૮૫ લાખની કિંમતના બે મશીનો ભેટ મળ્યા છે. જેના કારણે દર્દીની સારવાર કરવામાં અને તેના પેરામીટર પર ધ્યાન રાખવામાં સરળતા રહેશે.

   આ અંગે જાણકારી આપતાં તબીબી અધિક્ષક ડો.રંજન કૃષ્ણ ઐયરે જણાવ્યું હતું કે, ફોરેન્સિક વિભાગમાં નવા ડિજિટલ એકસ રે ની સુવિધા થઈ છે. આ ઉપરાંત કોલ્ડરૃમમાં,મૃતદેહોની ઉચિત સાચવણી માટે બે કેબિનેટનો પણ ઉમેરો થયો છે.

  અન્ય એક એકમ તરફથી  એનેસ્થેસિયા વિભાગને અતિ આધુનિક એનેસ્થેસિયા વર્ક સ્ટેશન મળ્યું છે. જેના કારણે બહુ જ જટિલ અને જોખમી દર્દીઓમાં ખૂબ જ  ચોક્સાઇથી અને સલામત રીતે એનેસ્થેસિયા આપી શકાશે.  આ  મશીનમાં સંપૂર્ણ સજ્જ મોનિટરિંગ સિસ્ટમ અને વેન્ટિલેટર હોવાથી કાર્ડિયાક પેરામીટર, એનેસ્થેટિક એજન્ટ અને ગેસના પ્રમાણનું મોનિટરિંગ સતત થશે. આ ઉપરાંત યુ.એસ.જી. મશીનથી રિજીયોનલ એનેસ્થેસિયા આપી શકાશે. તેમાં કોમ્પલિકેશન અને ફેઇલ્યોરની ખૂબ જ ઓછી શક્યતા છે.