સુશેન સર્કલથી વડસર બ્રિજ તરફ જવાનો રસ્તો તમામ વાહનો માટે બંધ

 વડોદરા,વડસર રેલવે ઓવર બ્રિજના રિપેરીંગ કામને લઇને સુશેન સર્કલથી જ્યુપિટર ચોકડી થઇ ટુ, થ્રી અને ફોર વ્હીલર  માટે ડાયવર્ઝન આપવામાં આવ્યું છે.

વડસર રેલેવે બ્રિજ પર રિસર્ફેસિંગની કામગીરી કરવામાં આવનાર છે. જેના કારણે તા. ૨૫ મી ફેબુ્રઆરીથી તા. ૧૬ મી માર્ચ સુધી સુશેન સર્કલથી વડસર રેલવે ઓવર બ્રિજ ઉપર થઇ ખિસકોલી સર્કલ જતા તેમજ ખિસકોલી સર્કલથી સુશેન સર્કલ જતો ફોર વ્હીલર, થ્રી વ્હીલર તેમજ ટુ વ્હીલર વાહનો માટે પ્રતિબંધ ફરમાવવામાં આવ્યો છે. વાહન  ચાલકો સુશેન સર્કલથી જ્યુપિટર ચાર રસ્તા, અલવા નાકા ત્રણ રસ્તા, જી.આઇ.ડી.સી. પાણીની ટાંકી ત્રણ રસ્તા, વડસર બ્રિજ ત્રણ રસ્તા નવીન કટથી જમણી બાજુ રોંગ સાઇડથી વડસર બ્રિજ ઉપર થઇ વડસર બ્રિજ ભારત પેટ્રોલપંપથી સીધા ખિસકોલી સર્કલ જઇ શકાશે.

જ્યારે ખિસકોલી સર્કલથી વડસર બ્રિજ ભારત પેટ્રોલપંપ કટથી જમણી બાજુ થઇ રોંગ સાઇડથી વડસર રેલવે ઓવર બ્રિજ પર થઇ જ્યુપિટર ચાર રસ્તા થઇ સુશેન સર્કલ જઇ શકાશે.