ભીમનાથ બ્રિજ પાસે કાર ઝાડ સાથે ભટકાતાં ફસાયેલા ચાલકનું રેસ્ક્યૂ

વડોદરાઃ સયાજીગંજના ભીમનાથ બ્રિજ પાસે એક કાર ઝાડ સાથે ભટકાતાં ફસાયેલા ડ્રાઇવરનું રેસ્ક્યૂ કરવામાં આવ્યું હતું.

જેલરોડથી સયાજીગંજ જવાના માર્ગે ગઇકાલે એક કાર ધડાકાભેર ઝાડ સાથે ભટકાતાં બોનેટના  ભાગનો કચ્ચરઘાણ નીકળી ગયો હતો.

કારમાં ડ્રાઇવરના બંને પગ અને છાતીનો ભાગ ફસાયો હોવાથી ફાયર બ્રિગેડની મદદ લેવામાં આવી હતી.જવાનોએ ભારે જહેમત બાદ ઇજાગ્રસ્ત યુવકને બહાર કાઢી સારવાર માટે હોસ્પિટલમાં મોકલ્યો હતો.