પાણીગેટ રાણાવાસમાં ચાલતા આંકડાના જુગારધામ પર દરોડો

વડોદરા,પાણીગેટ રાણાવાસમાં ચાલતા આંકડાના જુગાર ધામ પર પીસીબી પોલીસે દરોડો પાડીને ૯ જુગારીઓને ઝડપી પાડયા હતા. જ્યારે સંચાલકને વોન્ટેડ જાહેર કર્યો છે.

પાણીગેટ રાણાવાસ વેરાઇ માતાના મંદિર પાછળ રહેતો યોગેશ ઉર્ફે લાલો જશુભાઇ રાજપૂત તેના ઘર પાસે આંકડાનો જુગાર ચલાવે છે. પોતાના ઘર  પાસે માણસોને બેસાડીને જુગાર રમાડી રહ્યો છે. જેથી, પી.આઇ.એસ.ડી.રાતડાની સૂચના મુજબ, સ્ટાફે ઉપરોક્ત સ્થળે રેડ  પાડીને નવ જુગારીઓને ૨૧,૪૧૦ ના મુદ્દામાલ સાથે ઝડપી પાડયા છે. જેમાં (૧) બાબુ ગુલામહુસેન દિવાન ( રહે. અજબડી મિલ મદાર મહોલ્લો) (૨) અયુબખાન મોહંમદખાન  પઠાણ (રહે. ચંબુશા બાવાનો ટેકરો, પાણીગેટ) (૩) ઝહીર હુસેનભાઇ સલાટ (રહે. મદની મહોલ્લો, પાણીગેટ) (૪) મહંમદરિયાઝ રફિકભાઇ અબ્બાસી (રહે. ખાનગાહ મહોલ્લો, પાણીગેટ) (૫) નાસિરશા અહેમદશા દિવાન (રહે. હજરત એપાર્ટમેન્ટ, અજબડી મિલ પાસે) (૬) કમલેશ હસમુખભાઇ ભાટિયા (રહે. પટોડિયા પોળ, પાણીગેટ) (૭) જશવંત જીવાભાઇ વણકર (રહે. કિશનવાડી) (૮) એજાજહુસેન સાકીરહુસેન જમાદાર (રહે. લાડવાડા, માંડવી) તથા (૯) સદાશીવ પુંડલિક તાયડે (રહે. સોનપુર, રંગ વાટિકા પાસે, બાપોદ) નો સમાવેશ થાય છે. જ્યારે યોગેશ  ઉર્ફે લાલાને વોન્ટેડ જાહેર કર્યો છે. પોલીસે રોકડા ૧૪,૪૧૦ , પાંચ મોબાઇલ ફોન સહિત ૨૧,૪૧૦  નો મુદ્દામાલ કબજે  કર્યો છે. પકડાયેલા આરોપીઓ પૈકી કેટલાક સામે અગાઉ પણ ગુનાઓ  નોંધાયા છે.