પશુઓની હેરાફેરી કરતા ટેમ્પો ચાલકને પોલીસે રોકતાં ટેમ્પો છોડી ફરાર

વડોદરાઃ શહેરમાં પશુઓની હેરાફેરી પર વોચ રાખવા માટે પોલીસની ટીમો વોચ રાખી રહી હતી તે દરમિયાન કારેલીબાગ પોલીસે પાડા અને પાડીઓને ક્રૂરતા પૂર્વક લઇ જતા ટેમ્પોને અટકાવી ૩૯ પશુઓને બચાવ્યા હતા.

ડીસીપી ઝોન-૪ પન્ના મોમાયાએ પોલીસને આપેલી સૂચના મુજબ કારેલીબાગ પોલીસની ટીમને માહિતી મળતાં મંગલેશ્વર ઝાંપા થી હાથીખાના તરફ પાડા અને પાડીઓને મુશ્કેટાટ  બાંધીને લઇ જતા ટેમ્પોને રોકવાનો પ્રયાસ કર્યો હતો.

ટેમ્પો ચાલક ફરાર થઇ જતાં પોલીસે પીછો કર્યો હતો.પરંતુ ટેમ્પો ચાલક ટેમ્પો છોડી ફરાર થઇ જતાં પોલીસે ટેમ્પો કબજે લઇ પશુઓને પાંજરાપોળમાં મોકલી આપ્યા હતા.ટેમ્પોના નંબરને આધારે પોલીસે વધુ તપાસ હાથ ધરી છે.