વિહારના ખેડૂતના ખેતરમાં ભેલાણ કરી નુકસાન કરતાં પોલીસ ફરિયાદ

પોલીસે અજાણ્યા ગોવાળ સામે ફરિયાદ નોંધી કાયદેસરની કાર્યવાહી હાથ ધરી

માણસા તાલુકાના વિહાર ગામના વતની અને હાલ રાંધેજા રહેતા અને જમીન દલાલી તેમજ ખેતીવાડી કરી પરિવારનું ગુજરાન ચલાવતા આશિષકુમાર સુરેશકુમાર પટેલની ખેતીની પાંચ વીઘા જમીન બિલોદરા ગામની સીમમાં આવેલી છે અને આ જમીનમાં તેમણે આ વર્ષે ગવાર તથા કાળા તલનું વાવેતર કરેલું છે જેમાં ગઈકાલે તેમના આ ખેતરમાં કેટલાક ગોવાળોએ તેમની ગાયો ખેતરમાં નાખી ખેતરમાં ભેલાણ કર્યું હતું જે બાબતની જાણ ખેડૂતને થતા તેઓ બીજા દિવસે ખેતરમાં આવી જોતા કોઈએ ગેરકાયદેસર રીતે ગાયો નાખી ખેતીની ઉપજનું ભેલાણ કરી રૃપિયા અઢીથી ત્રણ લાખનું નુકસાન કરી બગાડ કર્યો હોવાનું માલુમ પડતા તેમણે ચડાસણા ગામના એક ગોપાલકને મળી સમગ્ર બાબતે વાત કરી હતી પરંતુ તેમને ખેતરમાં નુકશાન કરનારનું નામ તે પતો મળ્યો ન હતો જેથી ખેડૂતે તેમના ખેતરમાં ગાયો નાખી અઢીથી ત્રણ લાખ રૃપિયાનું નુકસાન કરનાર અજાણ્યા ગોવાળ વિરુદ્ધ માણસા પોલીસ સ્ટેશને ફરિયાદ આપતા પોલીસે ગુનો નોંધી કાયદેસર કાર્યવાહી હાથ ધરી છે.