વડોદરામાં ફતેગંજના કેટલાક ભાગમાં રાત્રે ફેલાઈ વિચિત્ર પ્રકારની દુર્ગંધથી લોકો પરેશાન

વડોદરા,તા.03 ફેબ્રુઆરી 2024,શનિવાર

વડોદરા શહેરના ફતેગંજ વિસ્તારમાં ગત મોડી સાંજે કંઈક અલગ પ્રકારની દુર્ગંધ ફેલાતા નાગરિકો વિસામણમાં મુકાયા હતા. 

શહેરના ફતેગંજ વિસ્તારના કેટલાક ભાગમાં ગત રાત્રિના અંદાજે 10 વાગ્યાની આસપાસ વિચિત્ર પ્રકારની દુર્ગંધ ફેલાઈ હતી. અહીંના સદર બજારથી ઈએમઇ સુધીના વિસ્તારની આસપાસની કેટલીક સોસાયટીઓના નાગરિકોએ શ્વાસમાં દુર્ગંધ લેવાની નોબત ઊભી થઈ હતી. અંદાજે વિસેક મિનિટ માટે ફેલાયેલી વાસ કોઈક અલગ પ્રકારનો ગેસ હોવાનું અહીંયા નાગરિકોમાં ચર્ચા થતી સાંભળવા મળી હતી. ઉલ્લેખનીય છે કે, અગાઉ થોડા સમય પૂર્વે ફતેગંજ, નિઝામપુરા, છાણી સહિતના વિસ્તારોમાં ગેસ દુર્ગંધના કારણે ભારે હોબાળો મચી ગયો હતો. ગઈકાલે ફરી એકવાર નાગરિકોએ અલગ પ્રકારની દુર્ગંધવાળી વાસ શ્વાસોશ્વાસમાં લેવાની નોબત ઊભી થઈ હતી.