હવે તમે તમારી રેલવે ટિકિટ કુટુંબના અન્ય સભ્યના નામે ટ્રાન્સફર કરી શકો છો

વડોદરા : તમે રેલવેમાં ટિકિટ બૂક કરાવી છે અને કોઇ સંજોગોમાં તમે મુસાફરી નથી કરી શક્તા તો હવે તમારી ટિકિટ અન્ય વ્યક્તિના નામે ટ્રાન્સફર કરવી શક્ય બનશે. ભારતીય રેલવે દ્વારા હવે આ પ્રકારે ટિકિટ ટ્રાન્સફરને મંજૂરી આપવામાં આવી છે. હવે કન્ફર્મ ટિકિટ કેન્સલ કરવાની માથાકૂટમાંથી મુક્તિ મળશે. બીજી તરફ, જો તમારા કોઇ કુટુંબીજનને યાત્રા કરવી છે તો તેને કન્ફર્મ ટિકિટ મળી જશે.

પિતા, માતા, ભાઈ, બહેન, પુત્ર, પુત્રી, પતિ અને પત્નીના નામે ટ્રાન્સફર થઇ શકે છે, રિઝર્વેશન કાઉન્ટર પર અથવા તો ઓનલાઇન અરજી કરી શકાશે

જો મુસાફર સરકારી કર્મચારી છે અને પોતાની ફરજ પર જઈ રહ્યો છે, તો તે ટ્રેન ઉપડવાના ૨૪ કલાક પહેલા અરજી કરી શકે છે. આ ટિકિટ તે વ્યક્તિના નામે ટ્રાન્સફર કરવામાં આવશે જેના માટે વિનંતી કરવામાં આવી છે. જો લગ્નમાં જતા લોકો સામે આવી સ્થિતિ આવે તો એમણે કંકોત્રી જેવા જરૃરી દસ્તાવેજો સાથે ૪૮ કલાક પહેલા અરજી કરવાની રહેશે. આ સુવિધાનો લાભ ઓનલાઈન પણ મેળવી શકાય છે. ટિકિટ ટ્રાન્સફર માત્ર એક જ વાર થઈ શકે છે, એટલે કે જો મુસાફરે તેની ટિકિટ એક વખત અન્ય વ્યક્તિને ટ્રાન્સફર કરી હોય તો તે બદલી નહીં શકે.