વડોદરાના ફતેગંજમાં ડુપ્લીકેટ દારૂની બોટલ બનાવતી મીની ફેક્ટરી પર દરોડો, ત્રણ ઝડપાયા

વડોદરા,તા.13 જાન્યુઆરી 2024,શનિવાર

વડોદરામાં ફતેગંજ વિસ્તારમાં પોલીસે દરોડો પાડી ડુપ્લીકેટ દારૂની બ્રાન્ડેડ બોટલ બનાવતી મીની ફેક્ટરી ઝડપી પાડી હતી. પોલીસે મહિલા સહિત ત્રણને પકડી બાકીના બેની તપાસ હાથ ધરી છે.

ફતેગંજના કલ્યાણ નગરમાં બહારથી દારૂ લાવી તેમાં ભેળસેળ કરીને બ્રાન્ડેડ બોટલો તૈયાર કરવામાં આવતી હોવાની વિગતોને પગલે સયાજીગંજ પોલીસે દરોડો પાડ્યો હતો. પોલીસે દારૂની 35 બોટલો તેમજ 21 ખાલી બોટલ અને બુચ મળી 17000 ઉપરાંતની કિંમતનો દારૂ કબજે કર્યો હતો.

પોલીસે શકિલ સઈદભાઈ શેખ, સઈદ મુરાદભાઈ શેખ. અને રૂકસારબાનું સાજીદ ભાઈ શેખની અટકાયત કરી હતી. જ્યારે સાજીદ અને સાહિલ શેખને વોન્ટેડ જાહેર કર્યા હતા.