દારૃનો નશો કરીને કારમાં ઘરે આવતા મામા - ભાણેજ પકડાયા

 વડોદરા,દારૃનો નશો કરીને કારમાં હોટલથી ઘરે આવતા મામા ભાણેજને બાપોદ પોલીસે આજવા ચેક પોસ્ટ પાસેથી ઝડપી પાડયા છે.

બાપોદ પોલીસનો સ્ટાફ ગઇકાલે રાતે આજવા  ચેક પોસ્ટ પાસે વાહન ચેકિંગની કામગીરી કરતો હતો. તે દરમિયાન રાતે સવા અગિયાર વાગ્યે એક કારને રોકીને ચેક કરતા કાર ચાલક નવીન રામકુમાર ત્યાગી તથા તેની બાજુમાં બેઠેલા મનસ્વી અમિતભાઇ ત્યાગી ( બંને રહે. કાન્હા સિટિ, આજવા રોડ) દારૃના નશામાં હોવાનું જણાઇ આવ્યું હતું. જેથી, બાપોદ પોલીસે બંનેની સામે અલગ - અલગ ગુનાઓ દાખલ કરી કાર કબજે લઇ કાયદેસરની કાર્યવાહી હાથ ધરી છે. પોલીસની પ્રાથમિક પૂછપરછમાં બંને નશેબાજો  હોટલના વ્યવસાય સાથે સંકળાયેલા હોવાનું જાણવા મળ્યું છે. પોઇચા ખાતે તેઓ નિલકંઠ લોજ ચલાવે છે. લોજથી ઘરે આવતા સમયે પોલીસના ચેકિંગ દરમિયાન તેઓ પકડાઇ ગયા હતા. કાર ચાલક નવીન મામા છે. જ્યારે મનસ્વી ભાણેજ હોવાનું  પોલીસે જણાવ્યું છે.