દોઢ કરોડની કાર મિનિટોમાં સળગી ગયા બાદ મોડી રાતે તરસાલીમાં જેગુઆર કારમાં આગ લાગી

વડોદરાઃ કારેલીબાગમાં ગઇકાલે બપોરે દોઢ કરોડની કાર સળગી જવાના બનેલા બનાવ બાદ મોડીરાતે જેગુઆર કારમાં આગનો બનાવ બન્યો હતો.

વડોદરામાં છેલ્લા ચાર દિવસથી સતત કારમાં આગ લાગવાના બનાવ બની રહ્યા છે.ચાર દિવસમાં કુલ છ આગના બનાવ બનતાં ફાયર બ્રિગેડ દ્વારા દોડધામ કરવામાં આવી રહી છે.

ગઇકાલે  બપોરે કારેલીબાગમાં પાર્ક કરેલી લેન્ડરોવર કાર આગમાં ખાક થઇ જવાનો  બનાવ બન્યો હતો.ત્યારબાદ રાતે તરસાલી રવિપાર્ક વિસ્તારમાં જેગુઆર કારના એન્જિનમાં આગ લાગતાં કાર માલિક કરણ પાન્ડે અને અન્ય લોકોએ રેતી અને પાણીનો મારો ચલાવ્યો હતો.મકરપુરા ફાયર  બ્રિગેડ આવી ત્યારે લગભગ આગ કાબૂમાં લઇ લેવાઇ હતી.જેથી મોટાભાગની કાર બચી ગઇ હતી.