માટીના ગણપતિને રત્નજડીત સુવર્ણ પીતાંબર અર્પણ કરાશે

વડોદરા, તા. 10 સપ્ટેમ્બર 2019, મંગળવાર

દાંડિયા બજાર સ્થિત આશીર્વાદ ગણપતિને બે દિવસ પહેલા સુવર્ણ માળા અર્પણ કરાઈ હતી. જ્યારે તા. ૧૧ના રોજ બુધવારે સાંજે સાત વાગ્યે રત્નજડીત સુવર્ણ પિતાંબર સાંસદ અને કેન્દ્રીય મંત્રી સભ્ય અનુરાગ ઠાકુરના હસ્તે અર્પણ કરાશે.

એમ.એસ.યુનિ.ની ફાઈન આર્ટસ ફેકલ્ટીના ભૂતપૂર્વ વિદ્યાર્થી હરિશભાઈ દ્વારા માટીના ગણપતિની આ મૂર્તિ બનાવામાં આવી છે. ગણપતિ પંડાલના આયોજકે કહ્યું કે, દોઢ મહિનામાં ૨૦૦ ગ્રામ સોના સાથે ગણપતિ દાદાનું રત્નજડિત પિતાંબર તૈયાર કરાયું હતું.

પારંપરિક રીતે દર વર્ષે દસ દિવસ ગણપતિજીની મંગળા, શ્રૃંગાર, રાજભોગ, ઉત્થાપન, સંધ્યા અને શયન આરતી કરવામાં આવે છે. અને દરરોજ અથર્વશીષનું પારાયણ કરવામાં આવે છે. ઉલ્લેખનીય છે કે ગત વર્ષે ૧૦૦૦ મહિલાઓએ એકસાથે અથર્વશીષનું પારાયણ કરેલું હતું.