નિઝામપુરા અતિથિગૃહની પાછળ વસાહતમાં આગ લાગતાં ચાર ઝુંપડાં ખાક

વડોદરાઃ નિઝામપુરા વિસ્તારમાં આજે બપોરે નાની વસાહતમાં આગ લાગતાં ચારેક ઝુંપડાં ખાક થઇ ગયા હતા.

નિઝામપુરા અતિથિગૃહની પાછળ આવેલા ઝુંપડાંમાં આગ લાગવાનું ચોક્કસ કારણ જાણવા મળ્યું નથી.પરંતુ ફાયર બ્રિગેડને જાણ થઇ ત્યારે ત્રણ થી ચાર ઝુંપડાં આગમાં લપેટાઇ ચૂક્યા હતા.

આગ લાગવાને કારણે ઝુંપડાંની અંદરની મોટાભાગની ઘરવખરી ખાક થઇ ગઇ હતી. આ વખતે મોટાભાગના શ્રમજીવીઓ કામ પર ગયા હોવાથી જાનહાનિ થઇ નથી.