વારસિયાના વિમા દવાખાના પાસેની વસાહતમાં આગ, ત્રણ ઝુંપડા લપેટાયા

Image: Freepik

વડોદરાના વારસિયા વિસ્તારમાં આવેલી વસાહતમાં આજે સવારે કોઈ કારણસર આગ લાગતા ત્રણ ઝુંપડા આગમાં લપેટાયા હતા.      

વારસિયા વિસ્તારમાં વિમાનના દવાખાનાની પાછળ આવેલી વસાહતમાં 200 થી વધુ ઝૂંપડા આવેલા છે. આજે સવારે કોઈ કારણસર એક ઝૂંપડામાં આગ લાગતા આસપાસના ઝુંપડા પણ લપેટાયા હતા. 

બનાવને પગલે બુમરાણ સાથે ભારે નાસભાગ મચી હતી અને કેટલા યુવકો આગ બુજાવવાના કામમાં લાગ્યા હતા. ફાયર બ્રિગેડ આવી જતા એક કલાકની જહેમત બાદ આગ કાબુમાં લેવાઈ હતી. આજનું ચોક્કસ કારણ જાણવા મળ્યું નથી પરંતુ એવું કહેવાય છે કે ટીવીમાં બ્લાસ્ટ થયા બાદ આગ લાગી હતી. આગ નું સાચું કારણ જાણવા માટે પોલીસ દ્વારા ફોરેન્સિકની મદદ પણ લેવામાં આવનાર હોવાનું જાણવા મળ્યું છે.